Бишкекте кумдуу бороондун кесепеттерине байланышкан өзгөчө кырдаал учуру алынды. Шаардык мэриянын билдиришинче жалпы чыгым 16 749 923 сомду түздү.
Кумдуу бороондо 10 адам ар кандай жаракат алып, алардын айрымдары дагы деле ооруканада дарыланууда. Климаттык эксперттер буга чейин Кыргызстанда мындай катуу ылдамдыктагы кумдуу бороон болбогонун, бирок бул климаттын өзгөрүшүнүн кесепеттеринин бир гана мисалы деп белгилеп жатышат.
Климатолог, Ольга Стрижанцева: “Кыргызстандыктар эми мындай бороонго даяр болушу керек себеби биз азыр өзгөргөн климатта жашап жатабыз. Ошондуктан адамдар буга адаптацияланып, анын ден соолукка зыян келтирип, материалдык чыгымдарга алып келээрин кабыл алышыбыз керек”.
Бул материал “МувГрин” коомдук бирикмеси тарабынан ишке ашырылып жаткан “Кыргызстанда жана Чыгыш Европа, Кавказ жана Борбордук Азия регионунда климатты коргоого берилгендик” долбоорунун алкагында даярдалды.
Бул материалдын мазмуну үчүн “PROclimate.kg” жооптуу. Материалда айтылган пикирлер “МувГрин” коомдук бирикменин көз карашын чагылдырбашы мүмкүн.”
Автор: Анархан Алтымышова, Мунара Боромбаева
