Кыргызстан климаттын өзгөрүшүнүн катаал таасирине дуушар болуп жатат, мында орточо температура жогорулап, жаан-чачын азайып, катуу кургакчылык каптап, табигый кырсыктардын коркунучу күчөдү. Бул чакырыктар биргелешкен аракеттерди жана чечимдерди талап кылат.
Учурда Жогорку Кеңештин депутаттары, Жаратылыш ресурстары, экология жана техникалык көзөмөл министрлиги, эл аралык уюмдар, адистер менен биргеликте Климаттын өзгөрүшү, кычкылтекти нейтралдаштыруу боюнча майзамдын үстүндө иш алып барууда.
Демилгечилердин бири Жогорку Кеңештин депутаты Динара Ашимова климаттын өзгөрүшү боюнча биздин мыйзамдар 2006-жылы кабыл алынганын андан бери өзгөрүү кирбегенин айтты.
«Биздин мыйзамдар аз көмүртектүү экономикага өтүүнү колдоп, жумуш орундарын түзүшү керек. Климаттык саясатты ишке ашыруу үчүн мыйзамдарды оптималдаштыруу биз үчүн климаттын өзгөрүшүнө каршы күрөшүү жана экологиялык туруктуулукту камсыз кылуу боюнча алдыга койгон максаттарга жетүүдөгү чечүүчү кадам болуп саналат», – дейт Жогорку Кеңештин депутаты Динара Ашымова.
Мыйзам сентябрь айында Жогорку Кеңештин кароосуна коюлат.
“Бул материал “МувГрин” коомдук бирикмеси тарабынан ишке ашырылып жаткан “Кыргызстанда жана Чыгыш Европа, Кавказ жана Борбордук Азия регионунда климатты коргоого берилгендик” долбоорунун алкагында даярдалды.
Бул материалдын мазмуну үчүн PROclimate.kg жооптуу. Материалда айтылган пикирлер “МувГрин” коомдук бирикменин көз карашын чагылдырбашы мүмкүн.”
Автор: Анархан Алтымышова, Мунара Боромбаева
