Жаңылык

Сүрөтчү Влад Сохин Тынч океандагы климаттын өзгөрүшүнүн кесепеттери тууралуу китеп чыгарды

Сүрөтчү Влад Сохин Warm Water аттуу китебин чыгарды. Анда климаттын өзгөрүшү Тынч океандын табиятына кандай таасир этип жаткандыгы тууралуу сүрөттөр чогултулган.

“Көптөгөн жергиликтүү тургундар үчүн климаттын өзгөрүшү акыркы жылдары көп айтылып жүргөн жөн эле куру сөз эмес, бул-реалдуулук”, – дейт Сохин. Деңиз деңгээлинин көтөрүлүшү, аба ырайынын жана жээктин эрозиясынын өзгөрүшү, мөңгүлөрдүн ээриши, токойлордун кыйылышы, жаныбарлардын миграциясынын өзгөрүшү, аңчылык, балык уулоо эрежелеринин бузулушунун кесепетинен планетанын эң чоң аймагындагы жашоо туруктуулугу чоң коркунуч алдында турат”.

Автордун айтымында, анын эмгектери дүйнөнү климаттын өзгөрүшүнүн таасирин сезгендердин көзү менен кароого мүмкүндүк берет. Сүрөттөр глобалдык экологиялык көйгөйлөр тууралуу айтып берет.

2013 -жылдан бери Сохин АКШнын эң түндүк бөлүгүнөн тартып, Жаңы Зеландияга чейин саякаттап келген. Ал 18 өлкөнү жана аймакты басып өткөн. Влад ар бир саякатынан климаттын өзгөрүшү адамдардын жашоосуна кандай таасир этери тууралуу фото баян алып келип турган.

Анын сүрөттөрүндө деңиз деңгээлинин көтөрүлүшүнөн ээн калган айылдар, суу жууп кеткен көрүстөндөр, океан талкалап, агызгандан калган бетон үйлөр, жегенге эч нерсе жоктугунан өлүп жаткан деңиз мышыктары, үйлөрүнөн ажыраган адамдар бар.

takiedela.ru

Фото: Влад Сохин

Shares:

Related Posts

Жаңылык

Парламент уран казууга уруксат берген мыйзамды колдоду

Парламент уран жана торий кендерин геологиялык изилдөө жана иштетүүгө уруксат берген мыйам долбоорун дароо экинчи жана үчүнчү окууда колдоду. Министрлер кабинети демилгелеген документ 2019-жылы кабыл алынган уран жана торий кендерин
Без рубрики

Ашимова: “Климаттын өзгөрүшү боюнча мыйзам 2006-жылдан бери өзгөргөн эмес”

Кыргызстан климаттын өзгөрүшүнүн катаал таасирине дуушар болуп жатат, мында орточо температура жогорулап, жаан-чачын азайып, катуу кургакчылык каптап, табигый кырсыктардын коркунучу күчөдү. Бул чакырыктар биргелешкен аракеттерди жана чечимдерди талап кылат. Учурда
Гендер жана климат

Шааркана: “Полигондогу кирешени уюшкан кылмыштуу топтор көзөмөлдөйт”

Көп жылдан бери чечилбей келген полигон маселеси Бишкектин башкы көйгөйү. Ал 1990-жылы жабылышы керек болчу, бирок ушул күнгө чейин колдонулуп анда топтолгон таштандынын бийиктиги  26 метрге жетти.  Movegreen коомдук уюуму,
Жаңылык

ЦАКИК-2023: “Климаттын өзгөрүшү боюнча 5-конференция” Дүйшөмбүдө өттү

Борбор Азиянын аймактык экологиялык борбору (РЭЦЦА) май айында Дүйшөмбү шаарында кезектеги 5-конференциясын өткөрдү. Ал «Арал деңизинин бассейниндеги климаттын өзгөрүшүнө ыңгайлашуу, анын кесепеттерин жумшартуу программасы» ошондой эле бул программаны каржылоону улантуу

Жооп калтыруу

Сиздин email жарыяланбайт. Милдеттүү талаалар * менен белгиленген