Кой-Таш айылындагы Jannat Resort отели катуу тиричилик калдыктарын кайра иштетүүчүлөргө өткөрүүгө өзгөчө көңүл бурат.
Мисалы, ресторанда таштандылар үчүн 5 чака коюлган.
1-челек катуу металлдар үчүн;
2-челек кургак таштандылар үчүн;
3 –тамак аш калдыктары;
4-челек айнек бөтөлкөлөргө арналса;
5-челек пластик буюмдары үчүн коюлган.
Чогулган бардык катуу тиричилик калдыктарын кайра иштетүүчүлөр келип алып кетишет.
Мындай жол менен мейманканадан чыккан таштандылар дээрлик полигонго жетпейт. Ал эми тамак-аш калдыктарын Кой-Таш айылына жакын жашаган кызматкерлер кезек-кезеги менен алып кетишет. Тактап айтканда Jannat Resort таштандылардын 70% кайра иштетүүгө жөнөтөт.
Jannat Resort Hotel дин мындан башка дагы кызыктуу эко-чечимдерин видео материалдан көрө аласыздар.
Бул долбоор «Кыргыз Республикасындагы таштандыларды чогултуу жана кайра иштетүү системасынын эффективдүүлүгүн жогорулатуу боюнча WasteNet.Kg» пилоттук программасынын алкагында «КСО Борбордук Азия» агенттиги тарабынан, Эл аралык «The Coca-Cola Foundation» Фондунун колдоосу менен ишке ашырылууда. Бул материал сөзсүз түрдө «WasteNet.Kg» пилоттук долбоорунун пикирин чагылдырбайт.
Автор: Анархан Алтымышова, Мунара Боромбаева
Оператор, монтаж: Руслан Кубанычбеков
Графика: Расим Ниязалиев
