Пригородный айылындагы дыйкандардын эмгеги талаага кетүүдө
Бишкектин четиндеги Пригородный айылында суу тартыш. Бул көйгөй дыйкандардын эмгегин талаага кетирүүдө. Маселен дыйкан Капар Урбаев суунун тартыштыгынан айдоо жерин толук кандуу пайдалана албай, сууну аз талап кылган арпа же буудай гана себет. Эгер суу жетиштүү болсо, өсүмдүктүн башка түрлөрүн дагы себет болчумун дейт.
Адистер суунун тартыштыгынын негизги себеби – кургакчылык менен жарактан чыккан ички чарбалык каналдар болууда дешет.
Бул жумуштар Орто Азиядагы Регионалдык экология борбору (РЭЦЦА) тарабынан, Coca-Cola эл-аралык Фондусунун каржылык колдоосу менен ишке ашууда. Пилоттук негизде 2,5 км ички чарбалык каналдар тазалынып, анын ичинен 100 метр канал бетондолот.
Айта кетсек, өлкөдөгү ички чарбалык каналдар 2000-жылы Суу пайдалануучулар ассоциациясына (АВП) өткөрүлүп берилген. Буга ылайык, дыйкандарга сугат сууну жергиликтүү АВПлар бөлүштүрүп берет.
Кыргызстанда 450 дөн ашык АВП бар. Алардын балансындагы ички чарбалык суу каналдарынын жалпы узундугу 23 миң чакырымды түзөт. 1990-жылдары колхоз-совхоздордун жерлери жеке менчике өткөндүгүнө байланыштуу, ички чарбалык каналдар жана ирригациялык курулмалар дээрлик кароосуз калган.
Автор: Анархан Алтымышова
